Ұзаққа созылған күйзелістің денсаулыққа кері әсері қандай?

Созылмалы күйзеліс денсаулыққа кері әсер етеді.

Адам ұзақ уақыт бойы күйзелісте жүріп, ол ұзаққа созылса, оны уақтылы анықтап, қолға алған жөн. Себебі, созылмалы күйзеліс денсаулықтың сыр бергенін аңғартады, және оны елемесе, оның соңы күрделі ауруларға дейін апаруы мүмкін. Бұл туралы ресейлік дәрігер Татьяна Неумолотова айтты, деп хабарлайды Almaty-akshamy.kz

Егер күйзеліс адамда қандай да бір стрессті жағдайдан кейін туындаса, бұл – қалыпты. Ал егер мұндай күйді адам басынан өте жиі кешірсе және адам кез келген әдеттегі өзін тітіркендіретін жайттарға жауап берсе, онда бұл патология бар екенін аңғартады.

«Уақыт өте келе бұл процесс созылмалы сипатқа ие болады, ол психиканың үнемі шамадан тыс жүктелуіне байланысты бірнеше ай ішінде дамиды»,-деп атап өтті дәрігер Татьяна Неумолотова.

Осыған байланысты невроз және депрессия дамуы мүмкін, деді ол. Ұзақ мерзімді күйзеліс ерте ме, кеш пе созылмалы патологияларға әкеледі, мысалы, гипертония, жүректің ишемиялық ауруы, иммундық тапшылық.

Дәрігер күйзеліс бегілері жайлы да айтты.

«Көбінесе бас ауруы, қалтырау, тершеңдік, асқазан-ішек жолдарының бұзылуы, салмақ қосу немесе салмақ тастау сияқты жайсыздықтар болады. Осындай алғашқы белгілері болған жағдайда дәрігермен кеңескен жөн, ол анамнезді дұрыс жинап, науқасты психотерапевтке жібереді», – деп атап өтті ол.

Сонымен қатар, созылмалы күйзеліс кезінде адам әлсіздік пен нашар ұйқыдан қиналады. Бұл жағдайда көптеген адамдар әлеуметтік байланыстарды азайтып, өз-өзінен тұйықталады. Өз-өзінен үрейленген адам қарсы әрекетке көшеді.

Дәрігер созылмалы күйзеліс туындаған жағдайда, дәрігерге қаралу керектігін еске салды. Себебі бұның арты тіпті онкологиялық және аутоиммунды ауруларға душар етуі мүмкін.