Тоқтар Әубәкіров 75 жасқа келді
Қазақтың тұңғыш ғарышкері мерейлі жасқа толды
Қазақ халқынан шыққан тұңғыш ғарышкер, Кеңес Одағының Батыры, Қазақстан Республикасының Халық қаһарманы Тоқтар Әубәкіров 75 жасқа толды, деп хабарлайды Almaty-akshamy.kz Уикипедия-ға сілтеме жасап.
1991 жылы 2 қазанда Тоқтар Әубәкіров зерттеуші ғарышкер есебінде Александр Волков және аустрия ғарышкері Франц Фибөкпен бірге «Союз ТМ-13» ғарыш кемесімен ғарышқа ұшуға кірісті. Бір апта бойы «Мир» орбиталды кешенінде жұмыс істеді. Дәл сол жылы 10 қазанда Тоқтар Әубәкіров, Анатолий Арцебарский, аустрия ғарышкері Франц Фибөк «Союз ТМ-13» ғарыш кемесімен Жерге қайтып қонды. Ғарышта өткізген мерзімі — 7 күн 22 сағат 13 минут.
Тоқтар Оңғарбайұлы - түркі халықтары мен мұсылман әлемі бойынша алғашқы боп ғарышты бағындырған тұлға.
Сондай-ақ, ол техника ғылымдарының докторы, Қорқыт ата университетінің профессоры, Австрияның бірнеше марапатымен марапатталған.