Тоқаевтың тартуы
Былтыр Астанаға келген Франция Президенті қазақы тазыға ерекше қызыққан.
Сол кезде Қасым-Жомарт Тоқаев франциялық әріптесіне тазы сыйлауға уәде берген, деп хабарлайды Almaty-akshamy.kz БОРТ N1 Telegram каналына сілтеме жасап.
Сол уәде бойынша Мемлекет басшысы Эмманюэль Макронға сыйлаған қазақы тазының екі күшігі Парижге жеткізілген.
Қос тазыны француз ветеринарлары тексеріп, уақытша карантинге жіберді. Сондай-ақ Франция тарапына күшіктерді тамақтандыру және үйрету жөніндегі нұсқаулық берілді.
Тазы күшіктеріне Жюль және Жанна деген жарасымды есім берілгені мәлім болды. Күшіктер Макрон отбасының Немо есімді қара лабрадорымен «достасып» үлгеріпті.
