Теміртауда төтенше жағдай жарияланады
Қарағанды облысы мен Теміртау қаласының бірнеше ауылында жергілікті ауқымдағы табиғи төтенше жағдай жариялануы мүмкін, деп хабарлайды аlmaty-akshamy.kz.
"Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 33 бабы 1 тармағының 13) тармақшасына, "Азаматтық қорғау туралы" Заңының 50 бабына және 48 бабы 2 тармағының 2) тармақшасына, Қазақстан Республикасы Төтенше жағдайлар жөніндегі министрінің міндетін атқарушының 2023 жылғы 10 мамырдағы №240 "Табиғи және техногендік сипаттағы төтенше жағдайлардың сыныптамасын белгілеу туралы" бұйрығына сәйкес, Қарағанды облысы Шет ауданына қарасты Ақсу-Аюлы ауылдық округі және Ақшатау кентінің аумағында жергілікті ауқымдағы табиғи сипаттағы төтенше жағдай жариялансын", - деп жазылған құжатта.
Теміртауда да жергілікті табиғи төтенше жағдай жариялануы мүмкін.
10 қаңтарда Теміртауда қатты боран мен желдің салдарынан кейбір тұрғындар байланыссыз қалды. Көптеген қала тұрғындары үйлерінде жарық, жылу және судан айырылды.
