Өзбекстан билігі бетперде тағу режимін алып тастады

Алайда елдің Денсаулық сақтау министрлігі арнайы комиссияның қоғамдық орындарда бетперде киюді жалғастыруды ұсынғанын атап өтті.

Өзбекстандағы арнайы комиссия 1 наурыздан бастап бетперде режимін жою туралы шешім қабылдады, деп хабарлайды Almaty-akshamy.kz ТАСС ақпарат агенттігіне сілтеме жасап.

Бұл туралы хабарлаған Денсаулық сақтау министрлігінің баспасөз қызметінің ақпаратына сәйкес, арнайы комиссия 1 наурыздан бастап бетперде режимін жою туралы шешім қабылдағанымен, қоғамдық орындарда бетперде киюді жалғастыра беруді ұсынып отыр.

«Премьер-Министр Абдолла Арипов басқаратын Коронавируспен күрес жөніндегі республикалық комиссия бетперде кию режимін алып тастау туралы шешім қабылдады, бірақ азаматтарға қоғамдық орындарда бетперде киюді жалғастыруды ұсынды. Сондай-ақ, 2020 жылдың наурыз айында қабылданған масканы міндетті түрде кию туралы шешім эпидемиологиялық жағдайдың жақсаруына байланысты күшін жойды, бірақ эпидахуал нашарлаған жағдайда қайтадан қабылдануы мүмкін», - делінген министрлік таратқан хабарламада.

Өткен жылдың сәуір айында Өзбекстанда халыққа жаппай екпе салу басталды. Ол үшін британдық-шведтік AstraZeneca компаниясының лицензиясы бойынша Үндістанда өндірілген ресейлік Sputnik V вакцинасы, қытайлық Anhui Zhifei Longcom Biopharmaceutical компаниясының вакцинасы және американдық Moderna және Pfizer препараттары қолданылды.

Соңғы мәліметтер бойынша, 35 миллион халқы бар республикада қазірдің өзінде вакциналау үшін 44 миллионнан астам доза қолданылған.

Өзбекстанда барлығы 235 740 коронавирус инфекциясы тіркелген, оның ішінде 230 286 (97%) науқас сауығып, 1624 адам қайтыс болды.