Оқулықтарды таңдауға арналған электрондық платформа әзірленді
Қазіргі уақытта бұл платформа сынақтан өтуде.
ҚР Оқу-ағарту министрлігінің Республикалық ғылыми-практикалық білім мазмұнын сараптау орталығы оқулықтарды таңдау бойынша арнайы платформа әзірледі, деп хабарлайды Almaty-akshamy.kz.
Аталмыш платформа педагогтерге пәндік оқулықтарды таңдауға мүмкіндік береді.
ETANDAU.GOV.KZ платформасы жабық жүйеде құрылған, ол тек педагогтер, мектеп директорлары, әдістемелік бірлестіктер мен білім басқармаларының басшылары үшін ғана қолжетімді. Жүйе оқулықты таңдау үрдісін автоматтандыра отырып, қабылданған шешімдердің объективтілігі мен ашықтығын арттыруға ықпал етеді.
«Электрондық платформа педагогтерге «өз» оқулықтарын таңдап алуға мүмкіндік береді. Сабақ беруді сапалы ұйымдастыруда оқулықты дұрыс таңдау аса маңызды», - дейді орталық директоры Нәзира Абдрахманова.
Пилоттық жобаға Астана қаласының және Қостанай облысының 20 мектебі қатысуда.
