Қыстың соңғы күнінде ауа райы қандай болады
Республика бойынша тұман түсіп, жел күшейеді
Синоптикер Қазақстан бойынша ақпанның 28-іне арналған ауа райы болжамын ұсынды, деп хабарлайды Almaty-akshamy.kz.
"Қазгидромет" РМК ұсынған мәліметке сүйенсек, еліміздің басым бөлігі ауқымды антициклон ықпалында болғандықтан, жауын-шашынсыз ауа райы болжанды.
Тек Қазақстанның батысы мен солтүстігіне Атлантикалық циклон ықпал етеді, осыған байланысты жауын-шашын (жаңбыр, қар), көктайғақ, солтүстікте бұрқасын күтіледі.
Республика бойынша тұман түсіп, жел күшейеді.
Астана қаласы: көшпелі бұлтты, жауын-шашынсыз. Оңтүстіктен, оңтүстік-батыстан жел соғады, күші 9-14, күндіз екпіні 15-20 м/с. Ауаның температурасы түнде -8-10°С, күндіз 0,-2°С болады.
Алматы қаласы: көшпелі бұлтты, жауын-шашынсыз. Жел, күші 0,-5 м/с. Ауаның температурасы түнде -3-5°С, күндіз +8+10°С болады.
Шымкент қаласы: көшпелі бұлтты, жауын-шашынсыз. Жел оңтүстік-шығыстан, оңтүстіктен соғады, күші 5-10 м/с. Ауаның температурасы түнде -1+1°С, күндіз +12+14°С болады.
