Қарап жүрмей, қалта телефондарын қағып жүрген

Алматы облысының тұрғыны музыка фестиваліне қатысушылардың телефондарын ұрлап кеткен.

Алмалы аудандық полиция қызметкерлері бұрын сотталған 41 жастағы Д. есімді азаматшаны ұстады. Азаматтардың қауіпсіздігін қамтамасыз ету, сондай-ақ заңсыз деректердің жолын кесу мақсатында жедел уәкілдердің ресурстары күшейтілді, деп хабарлайды Almaty-akshamy.kz.

Polisia.kz мәліметіне қарағанда, мереке күндері адамның көптігін пайдаланып, Д. есімді азамат үш телефон ұрлап кеткен.

«Күдікті қамауға алынды. Қазіргі уақытта оның жеке басы басқа да қылмыстарға қатысы бар-жоғына тексеріліп жатыр. Д.есімді азаматша – Алматы облысының тұрғыны, бұрын мүліктік қылмыстар жасағаны үшін бірнеше рет қылмыстық жауапкершілікке тартылған», – дейді Алмалы аудандық полиция басқармасының бастығы Олжас Шәріпов.

ҚР ҚК-нің 201 бабына сәйкес өзге ақпарат тергеу мүддесіне орай жария етілмейді. ҚР Конституциясының 77 бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.