Карантин тәртібін бұзған алматылықтарға айыппұл салынды
Алматы қаласында «қызыл статусы» анықталған тағы 18 тұрғынға 14 күндік үй карантинін бұзғаны үшін 30 АЕК көлемінде айыппұл салынды, деп хабарлайды Аlmaty-akshamy.kz
COVID-19 үшін ПТР тесті оң нәтижесін берген алматылықтар қоғамдық орындарға барып, «ASHYQ» бойынша жұмыс істейтін нысандарда - ХҚКО, әуежай, СОО, базарлар, дүкендер және т.б. нысандардың қызметтерін пайдалануға тырысқан. «Қызыл статусы» анықталған аталған тұрғындар «ASHYQ» жобасы бойынша жұмыс істейтін объектілерге жіберілмейді.
Сондықтан амбулаториялық емделіп жатқан қала тұрғындарын өзін-өзі оқшаулау режимін бұзбауға және қоғам алдында азаматтық жауапкершілік танытулары керек.
Вирус жұқтырған адамдармен байланыста болған тұлғалар өзін-өзі оқшаулау режимін сақтауы және басқа адамдарға жұқтырмас үшін адамдар көп жиналатын орындарға бармаулары тиіс.
