Қарағандыда жедел жәрдем жүргізушісіне қол көтерген бұзақы ұсталды
1 ақпанда Бас прокуратураның үйлестіруімен Қарағандыда 2024 жылғы 27 қаңтарда сағат 00:20 шамасында жедел жәрдем жүргізушісін ұрып-соққан күдікті Нұрболат Дәкебаев ұсталды, деп хабарлайды Almaty-akshamy.kz
Қазіргі уақытта Дәкебаев уақытша ұстау изоляторына қамалды. Н.Дәкебаевты өте қатаң жаза түріне тарту қажет деп есептейміз.
Жедел жәрдем қызметкерлері әр-бір шақыру сайын басқа адамдардың өмірін қүтқара отырып, өздерінің өмірін "бәске" тігіп жүрген жандар. Олар қоғам, азаматтар, мемлекеттің жоғары дәрежедегі қорғанышын сезінуі тиіс.
Еске салайық, 27 қаңтарда Қарағанды тұрғыны жедел жәрдем жүргізушісін ұрып-соққан еді.
ҚР Денсаулық сақтау министрі Ажар Ғиният жедел жәрдем қызметкерлеріне жасалатын зорлық-зомбылық әрекеттерді қатаң айыптап, бұл оқиғаны жеке өзі қадағалайтынын айтты.
