Египетте 13 қабатты ғимарат опырылып құлады
Мысырдың Александрия қаласында ғимарат опырылып құлады. Билік 13 қабатты үй қирандыларының астында тірі қалған адамдарды іздеп жатыр, деп хабарлайды Almaty-akshamy.kz
Азаматтық қорғаныс күштері Сиди Бишр ауданындағы Халил Хамада көшесінде орналасқан ғимаратқа жедел жетті. Мысыр денсаулық сақтау министрлігінің хабарлауынша, құлау салдарынан кемінде төрт адам зардап шеккен. Министрлік жарақаттардың жеңіл екенін және негізінен тұншығудан болғанын айтты,-деп жазды Zakon.kz.
Билік апат кезінде ғимаратта болған адамдардың нақты санын білмей отыр. Зардап шеккендер туралы әзірше толық мәлімет жоқ. Бірнеше тұрғын, сонымен қатар ғимаратта орналасқан шағын супермаркеттің тұтынушылары ғимарат астында қалды. Үйінділер астында балалар бар ма, жоқ па, белгісіз.
Александрия губернаторының айтуынша, ғимараттағы "тік бөлу" оның құлауына себеп болуы мүмкін. Қазір прокурорлар егжей-тегжейлерді зерттеп жатыр.
Ал ғимараттың айналасындағы мүлікке зақым келмеген және оның тұрғындары эвакуацияланбаған.
