Болашаққа үреймен емес, үмітпен қарау қажет
* Жақсылықты жақсы адам ғана бағалай біледі.
* Жүрегі таза, ниеті дұрыс адам еш уақыт өзгеден кір іздемейді.
* Кешірімді кісі ғана ірі адамға айналады. Өйткені, оның жүрегі кең, өрісі биік!
* Бірінші болып кешірім сұрау әлсіздікті білдірмейді.
* Кішірею дегеніміз – төмендеу емес.
* Адамның кемшілігіне қарамай сыйласа білу – нағыз адамдықтың белгісі.
* Егер жақсы өмір сүргің келсе, жақсы адамдарды ізде, ал жақсы адам тапқың келсе, жақсы сөйлеп, жақсылық жаса.
* Адалдық дегеніміз - ешкімге қиянат жасамай, таза еңбекпен күн көру.
* Басқалардың бақытына қуана білетін адам бір күні өзі де бақытқа жетеді.
* Сыйластық пен адалдық бар жерде үлкен махаббат пен шайқалмас шаңырақ орнығады.
* Ешқашан біреуді қарғап сілемеңіз, бұл – өте жаман қасиет.
* Ешқашан ешкімді қызғанбаңыз, Алла ризықты әркімге әрқалай нәсіп етеді.
* Адам қызғаныштан тез қартаяды, реніштен ауру пайда болады, ашушаң адам жүдегіш келеді.
* Ниет тілден емес, жүректен шығуы керек.
* Жүрек – мейірім мен махаббатың мекені.
* Адамды тәрбиелейтін қаталдық емес – мейірім.
* Ұйықтар алдында бәрін кешіріп, таза жүрекпен ұйықтаңыз.
* Кімде-кім көрсеткен құрметі үшін құрметтеледі.
* Қадірің – таптырмас байлығың, сондықтан қадіріңді кетірме.
* Кімнің кім екенін басыңа іс түскенде білесің.
* Жастар үлкендер алдында, үлкендер жастар алдында өздерін әдепті ұстағандары жөн.
* Әйелің ақылды болса – ағайын тыныш, күйеуің ақылды болса – жаның тыныш. Қызың ақылды болса – ауыл тыныш, көршің ақылды болса – көшең тыныш. Келінің ақылды болса – екі ел тыныш. Ұлың ақылды болса – әлем тыныш.
* Өткенді өкіну үшін емес, сабақ алу үшін еске алу керек.
«АҚШАМ-АҚПАРАТ».
(Дереккөз: ашық интернет көздерінен алынды).
