Биыл киіктердің үш популяциядағы саны көбейген
Қазақстандағы киік саны 1,9 млн. асты
Экология министрлігінің ақпаратына сәйкес, 2023 жылғы әуе санағы деректеріне сәйкес киіктердің үш популяциядағы саны биыл 597 мың басқа артты, яғни 45,3% -ға. Олардың ішіндегі ең көбі - Орал популяциясының саны 1,13 млн-ға жеткен, Бетпақдала – 745 300, Үстірт - 39 700.
Естеріңізге сала кетейік, киіктердің санын анықтау мақсатында елімізде 15 сәуір мен 5 мамыр аралығында әуе санағы жүргізілді. Аталмыш жануарларды санауға «Охотзоопром» ӨБ» РМҚК, Орман шаруашылығы және жануарлар дүниесі комитетінің аумақтық инспекция қызметкерлері, сонымен қатар Қазақстандағы биоалуантүрлілікті сақтау қауымдастығының ғылыми мамандары жұмылдырылған.
