Алматылықтарға бизнес гранттарын уәде етіп, алдап кеткен күдікті анықталды
34 жастағы Алматы тұрғыны кәсіп үшін мемлекеттен тегін грант алып беруді ұсынды.
Аңғал азаматтар бейтаныс адамға қызметі үшін сый ретінде қомақты ақша аударған. Қазір уақытта полицияға алданып қалған 5 алматылық азамат жүгінген, деп хабарлайды Almaty-akshamy.kz Polisia.kz-ке сілтеме жасап.
«Бұл эпизодтардың барлығы ірі алаяқтық негізінде бір өндіріске біріктірілді. Қазір басқа да ықтимал деректерді анықтау жұмыстары жүргізілуде. Күдікті қамауға алынды», – деді, Бостандық аудандық полиция басқармасының бастығы Дидар Аханов.
ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі, 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.