Алматыда жүлде қоры 5 млн теңге болатын «Ұлы дала ойындары» ұлттық спорт түрлерінің фестивалі өтті
Алматыда Республика күнін мерекелеу қарсаңында ипподромда «Ұлы дала ойындары» ұлттық спорт түрлерінің фестивалі өтті.
Жарысқа барлығы 500 - ден астам адам қатысты, жарыс мына ойын түрлері бойынша өтті – «Көкпар», «Аударыспақ», «Теңге ілу», «Жамбы ату», «Асық ату», «Тоғызқұмалақ», «Қазақ күресі» және «Бәйге». «Құнан бәйге» ат жарысы бойынша сайыстарда 12 шақырым, ал «Аламан бәйгеде» 25 шақырым қашықтық қарастырылған. Жарыстың жалпы жүлде қоры 5 млн теңгені құрады.
«Құнан бәйгеден» жарыста Жамбыл облысының келген шабандоз Жолшыбек Мәди бірінші болып мәреге жетті, екінші және үшінші мәрені Алматы облысының шабандоздары Бекзат Ділдахан мен Сембек Мұқағали аяқтады. 1 орын үшін ақшалай жүлде 1 млн теңгені, 2 орын үшін - 500 000 мың теңгені және 3 орын үшін - 250 000 мың теңгені құрады.
«Аламан бәйге» санатында 1 орын алматылық шабандоз Айсұлтан Сағымбекке, 2 орын Жамбыл облысынан келген Асылжан Төлегенге, 3 орын Алматы облысының шабандозы Инсар Сармамбетке бұйырды. 1 орын үшін жүлде қоры 1 500 000 теңге, 2 орын үшін 600 мың және 3 орын үшін 400 000 теңге көлемінде болды. Сонымен қатар, жарыстың қалған түрлері бойынша қатысушыларға дипломдар мен бағалы сыйлықтар табыс етілді.
Іс-шара аясында трибуна алдындағы алаңда қолөнер жәрмеңкесі өтті, сондай-ақ қалаған адамдардың барлығы армрестлинг, гирь көтеру және «Тоғызқұмалақ» турнирлеріне қатыса алды.
Бәйге, ат ойындарынан басқа да спорттық іс-шаралармен қатар қонақтар мен қатысушылар үшін «Отырар Сазы» ұжымы, «Домбыра триосы» ұлттық ансамблі және әртіс Асхат Тарғын өнер көрсетті.
