«Алматыда клиникалық-диагностикалық және бактериологиялық зертхана ашу» мемлекеттік-жекеменшік әріптестік жобасын іске қосу туралы хабарлама

«Алматы қаласы Қоғамдық денсаулық сақтау басқармасы» 2015 жылғы 25 қарашадағы №725 «Мемлекеттік-жекеменшік әріптестік жобаларын жоспарлау және іске асыру қағидаларының» 133-тармағына сәйкес іске асыруға мүдделі баламалы ұсыныстарды тарту мақсатында кәсіпкерлік субъектілерді, қаржы және басқа да ұйымдарын мемле­кеттік-жекеменшік әріптестік жобасының «Алматы қаласында клиника­лық-диагностикалық және бактериологиялық зертхана ашу» жобасы­ның (бұдан әрі – МЖӘ жобасы) басталғаны туралы хабардар етеді.

1. МЖӘ жобасын іске асыру шарттары:

1.1. Сметалық инвестиция 663 000 мың теңгені құрайды, бұған зерт­ханалық құрал-жабдықты сатып алу, жалпы ауданы 600 м² үй-жайды жөндеу, ұйымдастыру техникасын, қажетті материалдар мен реагент­терді сатып алу кіреді.

1.2. МЖӘ шартының түрі – контракт.

1.3. Іске асыру мерзімі – 7 жыл (84 ай).

1.4. Мемлекеттік әріптес келесіні жүзеге асырады:

– Алматы қаласы әкімдігі Денсаулық сақтау басқармасы ШЖҚ «№4 қалалық клиникалық ауруханасы» МКК базасында клиникалық-диаг­ностикалық зертхана құру үшін үй-жай мен жабдықты өтеусіз пайдала­нуға беру;

– Алматы қаласы әкімдігі Денсаулық сақтау басқармасы ШЖҚ «№4 қалалық клиникалық ауруханасы» МКК-ден тегін медициналық қыз­меттің кепілдік берілген көлеміне енгізілген диагностикалық қызмет­терге ақы төлеу.

1.5. Диагностикалық жабдық: Жабдық әлеуетті жеке серіктеске тиесілі болуы керек.

1.6. Диагностикалық жабдық жаңа болуы керек, яғни пайдаланыл­маған, жаңартылған және/немесе пайдаланылған бөлшектері мен жи­нақтары жоқ, түпнұсқалық қаптамада болуы керек.

Диагностикалық жабдық үшінші тұлғаның құқығынан бос болуы керек.

2. МЖӘ жобасын іске асыру орны – Алматы қаласы ШЖҚ «№4 қа­лалық клиникалық аурухана» МКК.

3. МЖӘ жобасының мәні: ШЖҚ «№4 қалалық клиникалық ауру­хана» МКК базасында «кілт» жабдықтары бар заманауи клиникалық-диагностикалық және бактериологиялық зертхана құру және диагнос­тикалық қызметтерді көрсету.

4. Берілетін диагностикалық жабдыққа қойылатын талаптар:

– жабдық толық автоматтандырылған болуы керек;

– жоғары өнімді;

– тестердің кең мәзірімен;

– үлгілер ағынын өлшеу кезінде де, авариялық үлгілерді өлшеу кезінде де жоғары сапалы нәтижелер көрсетіп, пайдалану оңай болу керек.

5. МЖӘ жобасын іске асыруға мүдделі әлеуетті жеке әріптестер өз­дері туралы негізгі ақпаратты көрсете отырып, осындай жобаны іске асыру мүмкіндігі туралы баламалы ұсынысты, оның ішінде:

– әлеуетті жеке серіктестің аты-жөні мен мекенжайы;

– мемлекеттік тиесілігі (заңды тұлғалар үшін), азаматтығы (жеке тұлғалар үшін);

– заңды тұлғалардың басшылары мен меншік иелері және әлеуетті жеке әріптесті білдіретін тұлғалар туралы мәлімет;

– хирургиялық жабдыққа меншік құқығын растайтын құжаттар.

6. Әлеуетті жеке әріптестерге қойылатын талаптар: Заңның 32-бабында айқындалған жалпы біліктілік талаптарына, сондай-ақ ден­саулық сақтау саласындағы заңнаманың талаптарына сәйкес келу үшін әлеуетті жеке әріптес қызметкерлерінің халықаралық ұйымдардан зерт­хана саласындағы сапа менеджменті сертификаттары болуы тиіс (WHO Дүниежүзілік денсаулық сақтау ұйымы, CLCI клиникалық және зертха­налық стандарттар институты).

Әлеуетті жеке серіктес ДДСҰ тәлімгерлері үшін ұсынылған SARS-CoV-2 сынақ зертханаларының тізімінде болуы керек.

Құжат қабылдаудың соңғы мерзімі 2022 жылдың 18 қыркүйегіне дейін.

Жобаға қатысуға қызығушылық танытсаңыз, толығырақ ақпарат алу үшін «Алматы қаласы Қоғамдық денсаулық сақтау басқармасы» ММ-не мына мекенжай бойынша хабарласуға болады:

Телефон: +7 (727) 228-80-14; e-mail: praliev1972@mail.ru

Мекенжайы: Алматы қаласы, Сейфуллин даңғылы, 555.

Уәкілетті тұлға – Пралиев Талғат Мұратұлы.