Алматы облысында қар жауады
2 мамырға арналған ауа райы болжамы
Синоптиктер Қазақстан аумағында 2023 жылдың 2 мамырына арналған ауа райы болжамын ұсынды, деп хабарлайды Аlmaty-akshamy.kz.
«Қазгидромет» РМК ақпаратына сәйкес, батыста, оңтүстік-батыста жаңбыр жауады, Маңғыстау облысында күндіз қатты жаңбыр жауады, шығыста және оңтүстік-шығыстың таулы аймақтарында жаңбыр, қар жауады. Алматы облысында да ауа температурасының күрт төмендеп, қатты жауын-шашын жауып, арты қарға ұласуы мүмкін.
«Жалпы, ел аумағында жел күшейіп, республиканың батысында, оңтүстігінде, оңтүстік-шығысында күн күркіреп, оңтүстік-шығыстың таулы аймақтарында бұршақ жаууы мүмкін, солтүстік пен шығыста тұман, оңтүстік-батыс пен оңтүстікте дауыл күтіледі», - делінген хабарламада.
Болжам бойынша түнде Ақмола, Павлодар, Солтүстік Қазақстан, Қарағанды облыстарында, Алматы облысының таулы аймақтарында 1-6 градус, Қостанайдың солтүстік-шығысында, Ұлытаудың солтүстігінде, таулы аймақтарында 1-6 градус үскірік болады деп болжануда.
