Алматы Маңғыстауға жем-шөп жөнелтті
Қазір өңірде мал азығын дайындау ісі қарқынды жүріп жатыр.
Алматы облысының белсенділері Маңғыстау облысының фермерлеріне гуманитарлық көмек ретінде 42 вагон шөп, 1 вагон мал жемін жөнелтті, - деп хабарлайды Almaty-akshamy.kz облыстық әкімдіктің баспасөз қызметіне сілтеме жасап.
Облыстық ауыл шаруашылығы басқармасының мәліметінше, облыс белсенділерінің күшімен «Қазақстан темір жолы» ҰК» АҚ мен «Жетісу» ӘКК тарапынан 32 вагон шөп пен 1 вагон мал жемі жинақталып жіберілді. Сонымен қатар Панфилов ауданының белсенділері де 10 вагон шөп қосымша жөнелтті.
Ауыл шаруашылығы басқармасының мәліметіне сүйенсек, Алматы облысында мал азығы жеткілікті болады.
