«Алматы — біздің ортақ үйіміз»: тұрғындар қаланы қалай жақсарта алады?
Қала тұрғындарын қаланы тазартып, оны абаттандыру науқанына қосылуға, осылайша оның дамуына өз үлесін қосуға шақырылуда.
Науқан 8 сәуірде басталып, 8 мамырға дейін жалғасады. Осы кезеңде қалалық аумақтарды жақсартуға және абаттандыруға бағытталған көптеген іс-шаралар өткізу жоспарда бар, деп хабарлайды Almaty-akshamy.kz.
Іс-шараның басты мақсаты — қала тұрғындарының күш-жігерін біріктіріп, туған қаланы таза әрі әдемі ету.
Науқан шеңберінде аудандық әкімдіктер мен коммуналдық қызметтер көшелерді, үйішілік аумақтарды, балалар мен спорт алаңдарын ретке келтіреді. Жасыл аймақтарды: саябақтар, өзендер мен көл аумақтарын тазалауға және тазартуға ерекше мән беріледі. Сондай-ақ мәдениет объектілерін, естелік және тарихи орындар мен ғимараттарды жинау және қалпына келтіру жұмыстары ұйымдастырылады.
Сонымен қатар, коммуналдық қызмет қызметкерлері арасында түрлі номинациялар бойынша конкурс өткізіледі.
Іс-шараға кәсіпкерлер де белсенді қатысады. Науқан аясында іргелес аумақты тазалауға, бизнес объектілеріндегі маңдайшалар мен қасбеттерді қалпына келтіруге бағытталған "Біздің қала – біздің бизнес" жобасы іске асырылады.
"Жасыл аула" мен "Ағаш отырғыз" акциялары аясында көшеттер мен ағаштарды отырғызу бойынша жеке жұмыстар кешені жүргізіледі.
Қоршаған ортаға немқұрайлы қарай алмайтын алматылықтарды тазалықты сақтауға әрі қала келбетін жақсарту жөніндегі маңызды бастамаға қосылуға шақырамыз. Қала әкімдігінің жобалық кеңсесі жүзеге асыратын науқан бойынша барлық мәлімет almaty.kz сайтында және Алматы әкімдігінің әлеуметтік желілерінде жарияланады.
Естеріңізге сала кетейік, науқан 4 негізгі кезеңге бөлінген: "Біздің қала — біздің көшелеріміз"( 8-14 сәуір), "Біздің қала — біздің ауламыз, үйіміз "(15-21 сәуір), "Біздің қала - біздің тауларымыз, өзендеріміз бен көлдеріміз" (22-28 сәуір), "Біздің қала — біздің мақтанышымыз" (29 сәуір - 8 мамыр).
Естеріңізге сала кетейік, 8 сәуірде «Алматы – біздің ортақ үйіміз» науқаны басталды. Әрбір тұрғын қаланың дамуы мен абаттандырылуына өз үлесін қоса алады.
Барлық ақпарат almaty.kz сайтында, Алматы әкімдігінің әлеуметтік желілерінде орналасқан. Сондай-ақ, веб-сайтқа арнайы QR-код арқылы қала бойынша орналастырылған баннерлерде, плакаттарда және афишаларда кіруге болады.
