Алаяқтар таныс нөмірден хабарласса, не істеу керек?

Қазір телефон, әлеуметтік желі арқылы таныс адамның атынан хабарласып, ақша сұрайтын алаяқтар көбейді.

Cisco Systems компаниясының ақпараттық қауіпсіздік жөніндегі сарапшысы Алексей Лукацкий телефон алаяқтары өздерінің нақты нөмірін жасыра отырып, ақша сұраған кезде қоңырауға қалай жауап беру керектігін айтып берді, деп хабарлайды Almaty-akshamy.kz

РИА Новостиге сұхбат берген сарапшы алаяқ өзінің болашақ құрбанына қоңырау шалған кезде, шығыс нөмірді өзгерту үшін арнайы қолданбаны пайдалана алады, деп түсіндірді.

Алаяқтық жоспарына қарай, алаяқ әңгімелесушіге досының атынан да, банк қызметкерінің атынан да хабарласа алады.

«Абоненттердің жеке деректері мезгіл-мезгіл интернетке түсетіндіктен, шабуылдаушылар өздерінің «клиенттерінің» телефон тізіміндегі контактілерді шығыс нөмірлері ретінде пайдалана алады. Қағаз хатты пошта арқылы жіберген кезде, біз кез келген жіберушінің мекенжайын көрсете аламыз. Телефондарға да қазір осындай жағдай жасалып тұр. Арнайы қосымшаны пайдаланатын алаяқтар шығыс телефон нөмірін кез келген нөмірге ауыстыра алады», - деді Лукацкий.

Маманның айтуынша, бейтаныс адамның таныс нөмірден қоңырау шалып жатқанын анықтау өте қиын. Егер  қоңырау шалған адамның әңгімесі күдік тудырса, қалай әрекет ету керектігін айтты.

«Шын мәнінде, бізде бір ғана нұсқа бар. Егер олар сізден, мысалы, ақша аудару сияқты белгілі бір зиян келтіруі мүмкін әрекет жасауыңызды қаласа, ең оңай жолы — оның атынан қоңырау шалып жатқан адамға кері қоңырау шалу», - деді Лукацкий.