Әуезов ауданында халықты сапалы сумен қамтамасыз етуде қандай жұмыстар атқарылмақ?
Халықты сапалы сумен қамтамасыз ету мәселесі қала әкімдігі үшін басым мәселе болып қала береді.
Бұл туралы Алматы әкімі Ербола Досаевтың Әуезов ауданы тұрғындарымен өткен кездесуінде айтылды, деп хабарлайды Almaty-akshamy.kz.
«Бүгінгі таңда менің тапсырмам бойынша "Достық", "Мамыр-4" шағынаудандарында, «Саин-Шаляпин-Жандосов – Қарғалы өзені» көшелерінің орамында, сондай-ақ «Арычная, Ықылас, Западная» көшелерінде ұзындығы 61,8 км сумен жабдықтау және су бұру желілерін салуға және жаңғыртуға жобалау-сметалық құжаттама әзірленуде», - деді қала әкімі Ерболат Досаев.
2023 жылдың I тоқсанында мемлекеттік сараптаманың қорытындысын ала отырып, жобалау-сметалық құжаттама әзірлеуді аяқтау жоспарлануда. 2023 жылдың II тоқсанында құрылыс-монтаждау жұмыстарын бастау жоспарланып отыр.
Аталған жобаларды іске асыру 2000-нан астам абонентті сапалы сумен және канализациямен қамтамасыз етуге мүмкіндік береді.