Абай облысындағы Көкпекті ауданында 381 адам қар құрсауынан құтқарылды
Оның ішінде 19 бала құтқарылды.
ҚР ТЖМ мәліметінше, құтқарылғандар жылыту пункттерінде орналастырылған.
Қазіргі уақытта қар құрсауында қалған барлық машиналар тексерілді. Одардың ішінде адамдар жоқ. Барлығы құтқарылып, жылыту пункттерінде орналастырылған.
Авариялық-құтқару жұмыстарына ТЖ, қорғаныс, ішкі істер министрліктерінің, жергілікті атқарушы органдардың 47 бірлік техникасы, 124 қызметкері, 2 бірлік тікұшағы, 12 маманы және Апаттар медицинасы орталығының психологтары жұмылдырылды.
Жедел штабтар жұмыс істеуде.
ТЖМ психологтарын тарта отырып, "Жедел желі" телефоны жұмысын жалғастыруда. Барлығы 600-ге жуық қоңырау түсті.
Ертең таңертең жолды тазарту және техниканы қар үйінділерінен шығару жұмыстары жалғастырылады.
