4 балдық жер сілкінісі болды
Өзбекстан Төтенше жағдайлар министрлігі Республикалық Сейсмопрогностикалық мониторинг орталығының мәлімдеуінше, Республика аумағында 13 желтоқсан күні жергілікті уақыт бойынша сағат 10:13-те жер сілкінісі болды, деп хабарлайды аlmaty-akshamy.kz.
Зілзаланың эпицентрі елдің Науаи облысына қарасты Хатирчи ауданында орналасқан.
Жер сілкінісінің координаттары: солтүстік ендіктің 40,31 градусы; шығыс бойлық - 65,81 градус. Магнитудасы - 4,2. Тереңдігі - 10 шақырым.
Жер сілкінісінің ошағы - Ташкенттен оңтүстік-батысқа қарай 306 шақырым жерде.
Жердің қозғалысы Өзбекстанның 9 ауданына сезілген.
