Жаңа жылда декларациялаудың үшінші кезеңі басталады
Бұл міндетті.
Елімізде 1 қаңтарда декларациялаудың үшінші кезеңі басталады, деп хабарлайды Almaty-akshamy.kz
Яғни, келер жылы кез келген мекеме басшылары, құрылтайшылар мен жеке кәсіпкерлер Қазақстанда ғана емес, шетелде де тіркелген мүлігін декларациялауы керек.
Алдымен 250-ші "Кіріс декларациясы" тапсырылады – бұл "Активтер мен міндеттемелер туралы декларация".
Кейінгі жылдары 270-ші "Кірістер мен мүлік туралы декларацияны" тапсыру керек.
Кіріс декларациясында құны 1000 айлық есептік көрсеткіштен асатын барлық мүлікті көрсету қажет, деп жазады qazaqstan.tv.
Биыл бұл 3 450 000 теңге болса, 2024 жылы 3 692 000 теңге болады.
Айта кететін жәйт, мемлекет базасында, Қазақстанда тіркелген жылжымайтын мүлік пен автокөлікті – декларацияға енгізудің қажеті жоқ.
