Швеция мен Түркия көшбасшылары Брюссельде кездесу өткізеді
Вильнюстегі НАТО саммиті қарсаңында Швеция мен Түркия көшбасшылары Брюссельде кездесу өткізеді.
Бұл туралы әскери блоктың Бас хатшысы Йенс Столтенберг мәлімдеді, деп хабарлайды Almaty-akshamy.kz.
Келіссөздің мақсаты – Швецияның НАТО-ға кіруі мәселесін талқылау, деп атап өтті Солтүстік Атлантикалық альянс басшысы. Еске салайық, Түркия мен Венгрия Швецияның НАТО-ға қосылуына қолдау танытпай отыр, -деп жазды 24.kz.
Ал, Финляндия альянсқа 4 сәуірде ресми түрде қосылды. Йенс Столтенберг, НАТО бас хатшысы: - Финляндия мен Швецияның НАТО-ға кіруі Балтық елдерінің қауіпсіздігін одан әрі нығайтады. Вильнюс саммитінің алдында Брюссельде жоғары деңгейдегі кездесуді өткіземіз. Оған сыртқы істер министрлері, барлау басшылары және екі елдің ұлттық қауіпсіздік жөніндегі кеңесшілері қатысады.
