Микроқаржы ұйымдары қандай жағдайларда лицензиясынан айырылуы мүмкін

МҚҰ беретін несиелер 20 пайыздан аспауы керек

ҚР Қаржы нарығын реттеу және дамыту агенттігі төрағасының бірінші орынбасары Нұрлан Әбдірахманов микроқаржы ұйымдары қандай жағдайда лицензиясынан айырылуы мүмкін екенін айтты, деп хабарлады Almaty-akshamy.kz.

Zakon.kz жазуынша, Нұрлан Әбдірахманов проблемалық несиелер үлесін шектеу шаралары қабылданғанын атап өтті.

«Біз 20 пайыздық норматив енгіздік. Бұл – баланста немесе олардың баланстан тыс есепке алынғанына қарамастан, МҚҰ беретін несиелер, бірақ олар 20 пайыздан аспауы керек. Алдағы уақытта бұл талапты күшейтуді жоспарлап отырмыз. Біз жағдайды жіті бақылайтын боламыз. Жаңа тәуекелдердің белгілері байқалса, бұл талаптар күшейтіледі», - деді Нұрлан Әбдірахманов.

Оның айтуынша, бұл пруденциялық норматив.

«Осы сандық шектеуді бұзған жағдайда, МҚҰ-ға лицензияны қайтарып алуға дейін шара қолданылады. Қазір МҚҰ лицензияланған, ал бұзушылықтар анықталған жағдайда лицензияны қайтарып аламыз. Бұл – субъектінің қызметі іс жүзінде тоқтатылды деген сөз», - деді ол.