Мемлекет мүддесі бәрінен биік

– Біз Мемлекет басшысының Жолдауда көтерген бастамаларын қолдаймыз. Сонымен қатар тағы бір тараптан мұның түбегейлі орындалып, жұрт игілігін көру жағын да қарастырған абзал. Міне, осы мәселеде сан-сауалдар туындайды. Яғни, мұндай нұсқадағы сауалдар көп. Дегенмен бізге бірлесіп, бір ойда болып жұмыс жасау маңыздырақ саналады. Ол үшін әрбіріміз рухани жігерімізді жануымыз қажет.

Бұрын Кеңес Одағының дәурені жүріп тұрған шақта қанша келі ет, көкөніс тұтынатыны есептелетін. Бірақ ешкім театр сандарының ұлғаюы және мектептердің көбеюіне ден қоя қоймады. Рухани әлемнің көкжиегінің кеңеюіне мән берілмеді. Егер руханият болмаса, қалған істердің болашағы бұлыңғыр болмақ. Президент бірқатар тың бастамалар ұсынып, оларды жүзеге асырудың нақты қағидаттарын негіздеп берді.

«Біз ашық бәсекелестік орныққан және бәріне тең мүмкіндік берілетін Әділетті Қазақстанды құрып жатырмыз.Ауқымды саяси өзгерістерді ашықтық, әділдік және өзара сенім арқылы жүзеге асыру аса маңызды. Жаңа сайлау науқанының мерзімдерін және оның ретін елге ашық жариялау шешім қабылдау кезіндегі ашықтық қағидатына сай келеді. Осы қадамның бәрі біздің «Күшті Президент – ықпалды Парламент – есеп беретін Үкімет» атты басты формуламызды біртіндеп нақты мән-мазмұнмен байыта түседі. Біздің бүгінгі бастамаларымыз Қазақстанның болашағын айқындайды. Біз күн сайын ескі мен жаңаның, тоқырау мен дамудың арасынан таңдау жасаймыз. Баршаңызды ұлт мүддесі үшін ұйысуға шақырамын», - деді Мемлекет басшысы.

Президент бастамалары дер кезінде қабылданған маңызды шешімдер деп ойлаймын. Мемлекет мүддесі бәрінен биік.