Қытайлық көліктер көбейе бастады
Соңғы бес айда елімізге Қытайдан 16 333 автокөлік импортталған
Қазақстан нарығында қытайлық көліктер саны артып келеді, деп хабарлайды Almaty-akshamy.kz Azattyq Ruhy-на сілтеме жасап.
Бірінші кредиттік бюро мәліметінше, соңғы бес ай ішінде Қазақстан Қытайдан 16 333 автокөлік импортталған.
«ҚР Қаржы министрлігі Мемлекеттік кірістер комитетінің мәліметінше, 5 айда Қытайдан импортталған автокөлік саны (16 333 бірлік) 2022 жылмен салыстырғанда (12,5 мың бірлік) біршама артық», - делінген хабарламада.
Ақшалай түрде импорт $291,8 млн (өткен жылы – $183,9 млн) құрады.
Айта кетсек, Қытай бүгінде Қазақстанға жеңіл көліктердің негізгі жеткізушісі болып отыр.
