Қазақстан «Сергекті» Өзбекстанға экспорттады
Жоба жеке инвестициялар есебінен KazakhExport экспорттық сақтандыру компаниясы АҚ несие беруі арқылы іске асырылды.
«Сергек» қоғамдық және жол қауіпсіздігінің зияткерлік жүйесі Өзбекстанның Наманган қаласында енгізілді, деп хабарлайды Almaty-akshamy.kz
Бұл - халық саны бойынша Ташкенттен кейінгі екінші қала.
25 аппараттық-бағдарламалық кешен қаланың 13 учаскесінде және облыс аудандарында жол қозғалысының бұзылуын тіркейді.
«Сергек» жүйесін орнату жүргізуші тәртібінің жоғарылауына және өлімге әкеп соғатын ЖКО-лардың төмендеуіне әсер етеді.
Наманганда да жүйе жылдамдық режимінің асып кетуін, бағдаршамның тыйым салу сигналына өтуін, жол таңбалау желілерінің бұзушылығын тіркейді.
Бизнес-жоба Сауда және интеграция министрлігі мен Цифрлық даму және аэроғарыш өнеркәсібі министрлігінің қолдауымен басталды.