Алматыда жиырма мың орындық студенттік жатақханалар салынады
2030 жылға дейін 20 мың орындық жаңа студенттік жатақханаларды пайдалануға беру жоспарланып отыр.
Шаһарда 2030 жылға дейін бес мыңға дейін жалға берілетін тұрғын үй салынбақ, деп хабарлайды Almaty-akshamy.kz «Алматы қаласын дамытудың 2025 жылға дейінгі жоспарының негізгі басымдықтары және 2030 жылға дейінгі орта мерзімді перспективалары» атты жобасына сілтеме жасап.
- Полиорталықтарда жастарға арналған 16 Community орталығын іске қосу
- 10 мыңнан астам адамды қамтитын жұмыспен қамту орталықтары
- Жылына кемінде 10 мың адамды қамтитын өзекті мамандықтар бойынша (курьер, мобилограф, аспаз, SMM және т. б.) курстарды іске қосу
- Жаңа дағдыларды дамытуға және бизнесті ашуға арналған акселераторлар
- Жылына кемінде 1 мың мәдени, спорттық, волонтерлік іс-шаралар өткізу
- Ленд-лордтар мен коливингтер қағидаты бойынша жылына кемінде 2 000 апартамент жалға берілетін тұрғын үй бағдарламасын іске қосу,
- «Алматы Жастары» жеңілдетілген ипотекасын жалғастыру жылына кемінде 1 мың пәтер, 12 мың орындық студенттік жатақханаларды пайдалануға беру
- Студенттер үшін қалалық сервистің минималды стандартын енгізу – цифрландыру, өмір сүру жағдайлары және инфрақұрылымның инклюзивтілігі.
Алматының болашағына бей-жай қарамаңыз. Жастарға қатысты өз пікіріңізді 1 шілдеге дейін төмендегі сілтеме арқылы «Алматы қаласын дамыту орталығы» АҚ сайтында қалдырыңыз.