Есірткі жарнамалары жойылды
Алматы жастары есірткі жарнамаларын өшірді, деп хабарлайды almaty-akshamy.kz
Алматы қаласының Полиция департаментінің Есірткі қылмысына қарсы іс-қимыл басқармасының қызметкерлері мен қаламыздың белсенді жастары бірлесіп, Алмалы ауданындағы есірткі жарнамаларын өшіру бойынша «Жастар есірткіге қарсы» акциясын өткізді.
Аталған іс-шараның мақсаты – жастарға есірткінің зияндылығын түсіндіре отырып, салауатты өмірді таңдауға шақыру. Жастар Алматы қаласының Полиция департаментінің қызметкерлерімен есірткі жарнамаларын анықтап, оларды өшірді. Іс-шара барысында аудан аумағындағы ғимараттардың сыртқы қабырғасына жазылған 100-ден аса жарнама жойылды.
Айта кетейік, аталмыш шара алдағы уақытта қаламыздың басқа аудандарында да жалғасын табатын болады.
