Бір тәулікте 10 340 алматылық вакцина салдырды
Ал қала бойынша 302 257 адам вакцинаның толық дозасын алып болған.
Бұл туралы баяндаған қалалық қоғамдық денсаулық сақтау басқармасының мәліметіне сәйкес, қала бойынша вакцинаның қалдығы – бірінші компоненттің 44 340 дозасы және екінші компоненттің 105 054 дозасы бар.
«30 маусым күні 10 340 алматылық вакцина салдырды. Биылғы жылдың 1 ақпаны мен 30 маусым аралығында қалада вакцинаның толық дозасын 302 257 адам алды. Вакцина алғандардың ішінде 60 жастан асқан қарт кісілердің саны - 78 257»,- деп хабарлады денсаулық сақтау басқармасы.
Қалада 208 вакцина пункті жұмыс істеп тұр. Құрамына 1 256 адам жұмылдырылған 307 егу бригадасы бар. Сонымен қатар, 40 көшпелі мобильді бригада ұйымдастырылды.
«Қазіргі таңда медициналық ұйымдарда, мектептерде, мәдениет, спорт объектілерінде, базарлар мен қаланың СОСО-да вакцинация пункті жұмыс істейді», - деп ақпарат таратты денсаулық сақтау басқармасының баспасөз қызметі.
