Бүгін Алматыда ауа сапасы нашарлайды
6 қараша күні Қазақстан аумағының басым бөлігінде қолайлы метеорологиялық жағдай сақталады
6 қараша, дүйсенбі күні еліміздегі қалалардың басым көпшілігінде метеорологиялық ахуал бірқалыпты болады, деп хабарлайды almaty-akshamy.kz «Қазгидромет» РМК баспасөз қызметіне сілтеме жасап.
Тек Астана мен Алматы қалаларында ауа сапасы біршама нашарлайды.
Қолайсыз метеорологиялық жағдай — атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
