Бүгін сегіз қалада ауа сапасы нашарлайды
15 ақпанда Қазақстан аумағының басым бөлігінде қолайсыз метеорологиялық жағдай сақталады, деп хабарлайды Almaty-akshamy.kz.
Сәрсенбі күні Қостанай, Павлодар, Өскемен, Семей, Риддер, Шымкент, Алматы және Астана қалаларында ауа сапасы нашарлайды.
Қалған қалаларда ауа сапасы нормадан аспайды.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
