Бидайдың әлемдік бағасы өсіп келеді
Қара теңіз порттарындағы бидайдың орташа құны рекордтық бағаға жетті.
Бидайдың әлемдік бағасы18 наурызда тоннасына $400 долларға түскеннен кейін қайта өсе бастады. Бұл тренд бір аптадан бері сақталып келеді, деп хабарлайды Almaty-akshamy.kz Еldala.kz сілтеме жасап.
22 наурыздағы жағдай бойынша, 419 долларды құрады. Орын алып отырған жағдай Еуропаның ресейлік энергия ресурстарынан бас тарту жоспары туралы мәлімдемелеріне байланысты көтерілген мұнайдың ұқсас динамикасын көрсетеді.
Қазіргі таңда Ресейден бидай жеткізу артып келеді. Наурыз айының қорытындысы бойынша, экспорт 2 млн тонна деңгейінде болады деп күтілуде, бұл сарапшылар күткеннен де көп. Осыған байланысты Ресей Федерациясының ішкі нарығында бағалар да өсті.
Өткен аптада бидай тоннасына 525-550 рубльге, 15,5 - 16,15 мыңға дейін қымбаттады, - деді "СовЭкон" аналитикалық орталығының директоры Андрей Сизов. - Арпаның бағасы тоннасына 1,1 мың рубльге, 15,1 мыңға дейін өсті. Мұның екі себебі бар - рубль бағамының төмендеуі және сұраныстың артуы. Соған орай экспорттаушылардың ең жоғары сатып алу бағасы Қара теңіз порттарындағы бидайдың орташа құны тоннасына рекордтық 18,5-19 мың рубльге жетті. Бұл наурыз айының ортасындағы көрсеткіштен 2,11% жоғары.
Естеріңізге сала кетейік, Африка елі әлемдегі ең ірі бидай импорттаушы болып саналады. 2021 жылы сатып алу көлемі 6,1 млн тоннаны құрады, оның 4,2 млн тоннасы Ресейде, ал 651 мың тоннасы Украинаға тиесілі болды. Үндістан бұл көлемді ғана емес, сонымен бірге Түркия, Иран, Қытай, Судан, Нигерия, Боснияға жеткізуді бастауға дайын. Үндістанның Сауда және өнеркәсіп министрлігі логистикалық қиындықтар шешілген жағдайда 2022 жылы 10 миллион тонна бидайды экспорттауға дайын екенін мәлімдеді.
