Алматыда «Отырар Сазы» фольклорлық-этнографиялық оркестрі мен iFly этно-электрондық тобының концерті өтті
Ұлттық әуеннің заманауи музыкамен үйлесімділігі
Ұлттық әуеннің заманауи музыкамен үйлесімділігі жиылған жұртқа ерекше әсер берді
Алматыда екі түрлі саздың тоғысуынан құралған әуезді кеш өтті, деп хабарлайды Almaty-akshamy.kz Almaty.tv-ге сілтеме жасап.
Нұрғиса Тілендиев атындағы «Отырар Сазы» фольклорлық-этнографиялық оркестрі мен iFly этно-электрондық тобының концерті Ұлттық ғылым академиясының алдындағы алаңда болды. Ұлттық әуеннің заманауи музыкамен үйлесімділігі жиылған жұртқа ерекше әсер берді.
«Концертіміз бесінші рет өткелі жатыр. Алғашқы кездесуіміз Ай-флаймен 2017 жылы Экспода болды. Содан халық жақсы қарсы алған соң, біз шығармашылық тандэмді жалғастырып жатырмыз. Бүгін халық жаңа шығармаларды естиді. Бәріне ұнайды деген сенімдеміз», – деді «Отырар сазы» академиялық фольклорлық-этнографиялық оркестрінің көркемдік жетекшісі Дінзухра Тілендиева.
