Алматыда «Азаматтық қоғам» өкілдері марапатталды
27 ақпан күні Алматыда Азаматтық Альянстың ұйымдастыруымен тұңғыш рет 2023 жылдың «Азаматтық қоғам үшін» сыйлығын тапсыру рәсімі өтті, - деп хабарлайды Alalmaty-akshamy.kz
2010 жылы 27 ақпанда Литвада алғаш рет Үкіметтік емес ұйымдар күні тойланды. 12 Балтық теңізі елдері Үкіметтік емес ұйымдардың IX форумында осы күні атап өтті. Ал БҰҰ 2014 жылы 27 ақпанды Халықаралық Үкіметтік емес ұйымдар күні етіп бекітті. Осылайша Финляндия астанасы Хельсинкиде ресми түрде азаматтық қоғам өкілдерінің мерекесін атап өте бастады.
Бұл дәстүрден Қазақстан мен мәдени ғана емес, елдің қоғамдық-саяси орталығы Алматы қаласы тыс қалған жоқ. Биыл Алматыда алғаш рет азаматтық қоғам өкілдері марапатталды. Шара Алматы қаласы бойынша Азаматтық альянсының ұйымдастыруымен және Қазақстанның Автомобиль тасымалдаушылары мен Экспедиторлар Одағының (САПЭК) қолдауымен өтті.
Сыйлықты табыстау рәсіміне Алматының үкіметтік емес ұйымдардың өкілдері, қоғам қайраткерлері, азаматтық белсенділері, волонтерлер, жастар белсенділері, қоғамдық пікір көшбасшылары, қоғамдық секторда жазатын блогер мен журналистер қатысты. Сонымен қатар Алматы қаласы Қоғамдық даму басқармасының басшысы Айдар Есенбеков, Алматы қаласы бойынша Азаматтық альянс ұйымының басшысы Қайыржан Әбдіқалықов қатысты. Ал Мәжіліс депутаты Ерлан Стамбеков және сенатор Жанна Асанова онлайн байланыс арқылы қалалықтарды мерекемен құттықтады.
Азаматтық белсенділер 12 номинация бойынша марапатталды. Мұндай игі бастамаға Алматы қаласынан сайланған Ерлан Стамбеков мұрындық болды. Ұйымдастырушылар мен азаматтық қоғам өкілдері бастаманы өзге аймақтар да қолдайды деген үмітте.
