Алматыда ауа сапасы нашарлайды
Синоптиктер еліміздің бес қаласында ауа сапасы нашар болатынын ескертті.
24 наурызда, жексенбіде Қазақстанның бес қаласында ауа сапасы нашарлап, атмосферада зиянды қоспалар жиынтығы көп болуы мүмкін, деп хабарлайды Almaty-akshamy.kz
Болжамға сәйкес, Астана, Алматы, Атырау, Ақтөбе және Қарағандыда қолайсыз метеорологиялық жағдайлар тіркелуі мүмкін.
Қолайсыз метеорологиялық жағдайлар (ҚМЖ) – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы. Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы мүмкін.
Мұндай ауа райы кезінде:
көшеде, әсіресе, тасжолдардың бойында жүруді азайту керек;
балалар мен жүкті әйелдер ұзақ уақыт серуендемегені жөн;
созылмалы өкпе, жүрек-қан тамырлары, аллергиямен ауыратын адамдар дәрі-дәрмегін өзімен бірге алып жүруі тиіс;
таза ауадағы физикалық белсенділікті шектеңіз;
дене шынықтыру және спорттық іс-шараларды жабық спорт кешендерінде өткізу керек.