Алматы тұрғындарына таудағы құбылмалы ауа райы мен адасу қаупі барын еске салды
ҚР ТЖМ Республикалық жедел-құтқару жасағының бөлімшесі мамыр мерекелері кезеңінде қызмет өткерудің күшейтілген нұсқасына көшеді.
Бұл туралы Алматы қаласының ӨКҚ брифингінде белгілі болды. Мамыр айындағы мерекелерде азаматтардың жаппай көкке шыға бастайды. Құтқарушылар от жағуға тыйым салынатынын және туристерге тек рұқсат етілген жолдармен жүру керектігін ескертті, деп хабарлайды Almaty-akshamy.kz.
Табиғатқа шығар алдында достарына және 112 телефоны арқылы құтқару қызметіне ескерткен жөн.
Сүңгуір-құтқару бөлімінің бастығы Андрей Быбченко маусымаралық уақытта тауда тұманда адасып, бағытты жоғалтуға болатынын айтты.
"Нәтижесінде демалушылар жоғалады және бастапқы орнына орала алмайды. Туыстары алаңдай бастайды, содан кейін біздің қызметке сигнал түседі, жоғалған туристердің шамамен орналасқан жері туралы хабарлайды. Біз іздеу жұмыстарына кірісеміз", - деді А. Быбченко.
Жақында құтқарушылар жоғалған джипперлерді тапты. Хабарламада айтылғандай, екі көлік байланысқа шықпаған, онда шамамен 7-8 адам болған.
«Біздің топ бірінші болып жолға шықты, бірақ табылған жерде екі жоғалған көлік емес, қырыққа жуық машина болатынын күткен жоқпыз. Байланыс болмады, көліктерді қар көшкіні басып қалды. Жауған қар құтқару жұмыстарын қиындатты, ауа температурасы да төмен болды», - деді А.Быбченко.
Қарда жүретін көліктерді пайдаланып, жүру мүмкіндігі жоғары Камаздар адамдарды эвакуациялай бастады. Барлығы сәтті аяқталып, адамдар аман қалды.
Құтқарушы селфи мен ерекше ракурсты ұнататындарды өз өмірі мен денсаулығына қауіп төндірмеуге шақырды. Тау өзендерінің шетінде, қауіпті жерлерде, тайып кететіндей тастардың үстінде тұрмаңыз.
"Тауға шыққан кезде киімді мұқият таңдау керек, бұл аймақта ауа райы күн сәулесінен қарлы боранға дейін күрт әрі тез өзгеретінін есте ұстаған жөн. Тау жабдықтары болуы керек. От жағуға тыйым салынғанын есте сақтаңыз", - деп қосты құтқарушы.
Тау өзендерінде шомылу қауіпті, адам тек құрысуларға ғана емес, инсультке де ұшырауы мүмкін. Егер адам сонда да суық суға шомылуға тәуекел етсе, оның жанында көмек көрсете алатын адамдар болуы керек.
Егер адам тау өзеніне бата бастаса, оның артынан өзеннің бойымен жүгіру керек, ол ағашқа немесе тасқа тірелуі мүмкін. Бұл уақытта сіз қолда бар құралдарды пайдалана аласыз, таяқ, арқан, бөрене соза аласыз. Дайындығы жоқ адамға құтқару үшін суға секіру ұсынылмайды.
