Алматы облысында саңырауқұлақ теруге шығып, жоғалғандар табылды
Кеше, яғни 20 сәуір кешкі сағат 20:35-те Республикалық жедел-құтқару жасағының жедел тобы және кинологиялық есебі Алматы облысына туристерді іздеуге шықты.
Екі ересек адам және бір бала күндіз Малайсары асуына саңырауқұлақ теруге шығып, үйлеріне оралмаған, деп хабарлайды Almaty-akshamy.kz Төтенше жағдайлар министрлігіне сілтеме жасап.
Көмек сұрап жоғалғандардың танысы хабарласты.
Түнгі 1:12-де құтқарушылар саңырауқұлақ терушілерді тапты, оларға медициналық көмек қажет емес.
Таңғы сағат 6 шамасында құтқарушылар оларды тас жолға дейін жеткізiп, көлікпен келген өтініш иесіне тапсырды.
Егер сізге құтқарушылардың көмегі қажет болса, 112 нөміріне қоңырау шалыңыз.
