Алматы маңында автобус жүргізушісі көз жұмды
Ол рөлде отырып қайтыс болды.
Оқиға аялдамада болғандықтан, ешкім зардап шекпеген, деп хабарлайды Almaty-akshamy.kz
«Жолаушылар автобустың ұзақ уақыт жүрмей тұрғанына таңғалып, жүргізуші кабинасына барған кезде, оның рөлге басын қойып алғанын, аузынан көбік ағып жатқанын көрді», - дейді оқиға куәгері.
Алматы полиция департаменті «Водник» шағынауданындағы аялдамада 124-ші бағдардағы жүргізушінің денсаулығы нашарлағанын хабарлады. "Жедел жәрдем" оны ауруханаға жеткізген, науқас сол жерде көз жұмды.
