Алдағы күндер жаңбырлы болады
Қазақстанның кей өңірлерінде қатты жаңбыр жауып, дауыл және екпінді жел жүреді.
Синоптиктердің болжамы бойынша, шілденің 13-15 аралығында жаңбыр жауып, күн салқындайды, деп хабарлайды Almaty-akshamy.kz.
«Республиканың басым бөлігінің ауа-райына циклон және онымен байланысты фронтальды бөлімдер әсер ететін болады. Ауа-райының тұрақсыз сипаты күтілетін жерде. Осыған байланысты солтүстік-батыста, солтүстікте, орталықта және шығыста қатты жаңбыр жауып, найзағай, бұршақ, дауыл және екпінді жел жүреді»,– делінген «Қазгидромет» РМК баспасөз қызметінің хабарламасында.
Батыста ауа температурасы түнде +12+22℃, күндіз +25+35℃, республиканың солтүстігінде, солтүстік-батысында ауа температурасы түнде +7+20℃, күндіз термометрлер +12+28℃, елдің орталығында және шығысында ауа температурасы түнде +8+20℃, күндіз +15+28℃, Қазақстанның оңтүстік және оңтүстік-шығысында түнгі температура +12+23°С, күндіз +25+32°С болады.
