Алдағы күндері Қазақстанның кей өңірлерінде ыстық болады
16-18 маусымға арналған ауа райы болжамы.
«Қазгидромет» мамандары алдағы күндері ауа райы қандай болатынын болжады, деп хабарлайды Almaty-akshamy.kz.
Алдағы үш тәулікте айтарлықтай өзгерістер күтілмейді. Жекелеген аудандарда күн күркіреп, өткінші жаңбыр жауады, 16 маусымда елдің шығысында, оңтүстік-шығысында қатты жаңбыр жауады.
«Қазақстанның солтүстік және орталық өңірлерінің тұрғындарын нағыз жазғы ауа райы қуантады: күндізгі ауа температурасы біртіндеп 25-30 гралусқа дейін, ал Қарағанды облысының оңтүстігінде 35 градусқа дейін көтеріледі», - делінген синоптиктердің хабарламасында.
