Адам өліміне әкелген автобус ісі бойынша сот болды
Сот жарыссөзінде мемлекеттік айыптаушы мен жәбірленушілер сөз сөйледі.
Алматыда автобуспен адам өліміне әкелген ЖКО туралы іс бойынша сот отырысы өтті, деп хабарлайды Almaty-akshamy.kz
Бүгін онлайн-трансляция арқылы Д.Ахметжановқа қатысты қылмыстық іс бойынша кезекті сот отырысы өтті.
Мемлекеттік айыптаушы соттан сотталушыны айыпталған іс-әрекетіне кінәлі деп тануды және оған қылмыстарының жиынтығы бойынша нақты 8 жылға бас бостандығынан айыру жазасын тағайындауды сұрады.
Сот отырысы 26 сәуірге, сағат 11:00-ге шегерілді.
Естеріңізге сала кетейік, сотталушы абайсызда үш адамның өліміне әкеп соқтырған бұзақылық жасағаны және көліктің қауіпсіз жұмысын қамтамасыз ету ережелерін бұзғаны үшін айыпталуда.
