«Ақкент» тұрғын үй кешенінен тағы да өрт шықты
Алматыда «Ақкент» тұрғын үй кешенінде бір пәтерлі үйден өрт шықты.
Алматыда «Ақкент» тұрғын үй кешенінің тұрғындары түнгі уақытта тағы өрт сөндірушілерді шақырды, деп хабарлайды Almaty-akshamy.kz.
Алматы қалалық төтенше жағдайлар департаментінің мәліметі бойынша, өртсөндірушілер 8 тамыз, сағат түнгі 03:45-те Алатау ауданы, «Ақкент» шағын ауданы, 68 үйден шыққан өртті сөндірді.
«9 қабатты үйдің 2-ші қабатындағы 1 бөлмелі пәтер ішіндегі S=30 м2 аумақта үй тұрмысындағы заттар өртенді (матрас, зақымдалған ас үй жиынтығы)», - деп хабарлады ТЖД-да.
Тұрғындар тағы да ұйымшылдық танытып, өрт сөндіру көліктеріне жол ашып, жолда тұрған көліктерді жолдан итеріп тастаған. Оқиғаның видеосы желіге тарады.
