7 мамыр - Қазақстан Қарулы Күштерінің құрылған күні
7 мамыр – Отан қорғаушылар күні
Мемлекет басшысы 1992 жылы 7 мамырда Қазақстанның Қарулы Күштерін құру туралы Жарлыққа қол қойды. Отан қорғаушылар күні – Қазақстанның Қарулы Күштерінің құрылған күні.
1992 жылы 7 мамырда Мемлекеттік қорғаныс комитеті Қазақстанның Қорғаныс министрлігі болып қайта құрылды. Сол жылы Президенттің Жарлығымен Қазақстанның Қарулы Күштері жасақталды.
Ал 2012 жылы Қарулы Күштердің 20 жылдық мерейтойы аталып өтті. Соның қарсаңында 7 мамыр мемлекеттік мерекелер тізіміне қосылды.
Қарулы Күштердің құрылымы
Қазақстанның Қарулы Күштерінің құрамына құрлықтағы әскер, әуе қорғанысы күштері және әскери-теңіз күштері кіреді.
Құрлық күштерінің өңірлік қолбасшылықтары 2003 жылы құрылған болатын. Олар:
"Астана" өңірлік қолбасшылығы;
"Шығыс" өңірлік қолбасшылығы;
"Батыс" өңірлік қолбасшылығы;
"Оңтүстік" өңірлік қолбасшылығы.
Негізгі міндеттер
Қазақстанның Қарулы Күштерiне бейбiт кезеңде бірқатар міндет жүктелген. Олар:
- әскери күш пен жауынгерлiк даярлықты қамтамасыз ету;
- ел iшiндегi қақтығыстарды, шекарада немесе ел ішіндегі кез келген заңсыз қарулы күшке тойтарыс бере алатындай деңгейде болу;
- әуе кеңiстiгiн күзету, сондай-ақ мемлекеттік шекараның жедел-стратегиялық тұрғыда маңызды өңiрлерiн жабу;
- маңызды әскери нысандарды күзету;
- елдiң кез келген ауданында жағдайды тұрақтандыру жөнiндегi батыл iс-қимылға әзiр болу;
- халықаралық мiндеттемелерге сәйкес бiтiмгершiлiк және өзге де операцияларға қатысу.
Қарулы Күштер бұл мiндеттердi әскери құрылымдарымен өзара тығыз iс-қимылда жүзеге асырады. Ал соғыс уақытында құрамына Қорғаныс министрлігіне қарайтын әскер түрлерiнен басқа Ішкi iстер министрлігінiң iшкi әскерлерi, Ұлттық қауiпсiздiк комитетiнiң Шекара қызметi, Ұлттық ұлан, азаматтық және аумақтық қорғанысты басқару мен құру органдары кiредi.
