2 GIS қазақ тілінде сервисті тестілеуден өткізуді бастады
Қателіктер туралы хабарлама арқылы 2gis.kz сайтында қалдыруға болады
2 GIS қазақ тілінде тестілеу режимі арқылы карталар мен ұйымдардың анықтамалығын іске қосады. Оны геосервис параметрлерінде қосуға болады. Сондай-ақ орыс тілі де республикадағы пайдаланушылардың таңдауы үшін қолжетімді болып қала береді, деп хабарлайды Almaty-akshamy.kz.
Бұған дейін Қазақстандағы 2GIS қазақ тіліндегі интерфейс – мәзірлер, бөлімдер мен батырмаларды енгізген болатын. 2GIS қолданбасының көптеген пайдаланушылары мұны байқап та үлгерді. Енді карта деректері мен ұйымдардың анықтамалығы қазақ тіліне аударылды. Соның арқасында 2GIS жүйесінде Қазақстанның мемлекеттік тілінде дүкендерді, дәріханаларды, қоғамдық тамақтану орындарын, мәдени мекемелерді, көрікті жерлерді және өзге де орындарды іздеуге және табуға болады. Анықтамалық деректер мен карталар республиканың 41 қаласы мен 1245 елді мекенінде аударылды. Мәселен, Ақтау, Ақтөбе, Алматы, Астана, Атырау, Қарағанды, Көкшетау, Қостанай, Қызылорда, Павлодар, Петропавл, Семей, Тараз, Түркістан, Орал, Өскемен, Шымкент қалаларында қолжетімді.
«Бастапқыда Қазақстан Республикасы Ғылым және жоғары білім министрлігінің мамандары анықтамалық құрылымын аударуға көмектесті, содан кейін біз деректерді егжей-тегжейлі зерттеу үшін компаниядан тыс өзге де кәсіби аудармашыларды іске тарттық», - дейді 2GIS анықтамалық-картографиялық өндірісінің директоры Елена Толкачева.
Қазақстандағы 2GIS кеңселерінің қызметкерлері де көп көмектесті. Қазір бірінші маңызды қадам жасалды. Қазақстанның ірі қалалары мен агломерацияларында анықтамалық пен карталар аударылды, біз жаңартылған сервисті ашық тестілеуді бастаймыз. Біз пайдаланушыларға кері байланыс үшін алғыс айтамыз, оны тікелей қосымшада немесе қателіктер туралы хабарламалар арқылы 2gis.kz сайтында қалдыруға болады. Мұндай хабарламалар қызметтің қазақ тіліндегі іздеу және өзге де функцияларын жақсартуға және болашақта аударманы толықтыруға көмектеседі». Қазақстандағы 2GIS-тің барлық бөлімдері мен деректері қазақ тіліне аударылмағанымен, олармен жұмыс жалғасу үстінде. Жақын арада іздеуді жақсартумен қатар, компаниялардың жеке кабинетінің аудармасы, сервис қызметі туралы техникалық сұрақтарға жауап бере алатын бөлімдер де өз жұмысын бастамақ.
2GIS-тің қазақ тіліндегі сынақ нұсқасы 2gis.kz сайтында және Қазақстандағы 2GIS мобильді қосымшасында қолжетімді. Оны келесідей қосуға болады:
Мобильді қосымшада:
- Мәзір → Баптаулар → Тіл тармағын ашып, қазақ тілін таңдаңыз. Таңдағаннан кейін қосымшаны қайта іске қосу керек болады - жай ғана жауып, мобильді құрылғыда оны қайта қосыңыз.
2gis.kz сайтында:
Мобильді құрылғыда – интернет-браузерде:
- Экранның жоғарғы оң жақ бұрышындағы Мәзір белгішесін басыңыз (үш көлденең жол), ашылатын беттің төменгі жағындағы тілді таңдаңыз.
Ноутбукте немесе компьютерде:
- Экранның төменгі оң жағындағы Ru → Kz тілін ауыстыру түймешігін басыңыз.
