Маңызды міндеттерінің бірі — жәндіктермен күрес

Әлемнің көптеген дамыған мемлекеттерінде қоғамдық ден­сау­лық сақтау қызметі  табысты жұмыс істейді. Олардың міндеті —  денсаулықты сақтау мен жақсар­ту, өмірді ұзарту үшін  аурудың алдын алу бойынша  тиімді және қол жетімді механизмдерді   өндіріске енгізу  болып табылады.

Кенелердің шығуы, шабуыл жасауы, сәуір айында басталып, қыркүйек айында аяқталады. Жазда кенелердің жоғары биоло­гиялық белсенділігі байқалады. Жұқпалы аурулардың таралу механизмін бұзу  бағытындағы  негізгі шаралардың бірі — дезин­секция мен дератизация болып табылады.

Алматы қаласында көктем шыққан кезде акарицидтік өңдеу 2 кезеңмен жүргізіледі. Әуезов ауданы бойынша кенеге қарсы өңдеу жүргізуге жататын аумақ көлемі  — 17,970 гектар. Бұл кезеңде қаланың барлық саябақ­тары, гүлбақтары, қондырылған жасыл шөп төсеніштері өңделеді. Өкінішке орай, заманауи техно­логиясы   алға кеткен ғасырда  адам өз тұрмысында осы зиян­кестерді жою тәсілін әзірге ойлап таба қойған жоқ.

Жұрттың бәріне белгілі, кемір­гіш тышқандар және  егеу­құй­рық­тар көптеген  сүтқорек­тілер класының өкілдеріне жатады. Кеміргіштердің егеуқұйрықтардан айырмашылығы — жүздеген жыл­дар­дан бері адамдардың өмір-тұрмыстық қалдықтарымен қо­рек­тене отырып, адамдардың дәл жанында, бірге өмір сүріп келеді.  Егеуқұйрықтар қоршаған ортаға бейімделуі мен жанкештілігі бойынша әлемде   барлық жануарлардың алдында екен.

Дератизация жүргізу —  індетке қарсы міндетті санитар­лық-эпи­демиологиялық  шаралар кеше­нінің бір бөлігі  болып табылады. Бұл кеміргіштерді жою немесе санын азайтуға бағыт­талған аулау және алдын-алу жүйесі. Осыған байланысты Алматы қаласының аумағында зоонозды және карантинді инфек­циялардың алдын алу мақса­тында жыл сайын   жаппай  дера­тизация­лаудың 2 кезеңі жүргі­зіледі. Дератизациялау кезінде қоқыс үйінділері, ашық аумақтар, контейнер алаңдары, арық желі­лері, құдықтар, ашық аспан астын­дағы су-суаттарының жаға­лаулары өңделеді.

Қоғамдық денсаулық сақтау қызметінің  маңызды міндеттерінің бірі —  дезинсекция мен дерати­зация шараларының сапалы жүргізілуіне бақылау жасау.

Кеміргіштерді аулау, қанда­лалар, бүргелер, масалар, кенелер сияқты  паразиттерді жою жұмыс­тарының түр-түрін   атқару жұмы­сымен арнайы  лицензиясы бар фирмалар айналысады. Әуезов ауданы бойынша есепті  2017-2018 жылдар кезеңінде  барлығы 25808 гектар, оның ішінде 1716  гектар жабық және 864,8 гектар жартылай жабық биотоптар өңделді. Жекеменшік үйлердің 6854 иесіне (әр үйге 350 грамм па­кеттегі) дайын уыттар таратылды.

Осылайша халықтың сала­маттығына бақылау мен қадаға­лау жүргізу қаншалықты маңыз­ды екені өзінен-өзі түсінікті. Деген­мен, барлығымыз да   таби­ғат ресурстарының, өзіміз  жұтып отырған ауаның  экологиялық жағдайын көзімізбен көріп отыр­мыз. Мезгіл-мезгіл сібір жарасы, аусыл, сіреспе секілді жаман ауру­­лар  шығып қалып жатады. Топырақ құрамын нитраттар жайлап алған. Соған қарамастан, Қоғамдық денсаулық сақтау қыз­метінің  араласуының арқа­сын­да  әр түрлі індеттерден сақта­нуға болады. Тәжірибе көрсет­кендей,  халықтың саламаттығы үшін бұл қызметтің маңызы аса зор.

И.В.ТЕН,

Әуезов аудандық қоғамдық

денсаулық сақтау басқармасының

басшысы.