Ұлы даланың ежелгі мәдениеті

Қазақстан Республикасы Мемлекеттік орталық музейі ҚР Президенті Н.Назарбаевтың «Болашаққа бағдар: рухани жаңғыру» бағдарламалық мақа­ласы аясында ҚР Пре­зиденті Әкімшілігі басшысының бұйрығымен бекітілген іс-шаралар жоспарының «Қазіргі заманғы қазақ­стандық мәдениет жаһандық әлемде» бағыты бойынша Таң династиясының көне Батыс база­рының Сиань музейінде (ҚХР, Сиань қ.) «Ұлы Даланың ежелгі көшпелілерінің мәде­ниеті» халықаралық жылжымалы көрмесін ашты.

Көрменің ашылу салтанатына ҚХР көрнекті ғылым және мәдениет қайраткерлері, атап айтқанда, Шэньси провинциясының мәдени ескерткіштерді қорғау басқармасының бастығы Цзянь Цзи, Сиань қаласының мәдени ескерткіштерді қорғау басқармасының директоры Ма Жуй, Таң династиясының көне Батыс базарының Сиань музейінің директоры Ван Бинь және басқа да музейлер мен ғылыми институттардың бірінші басшылары қатысып, өз сөздерінде екі ел арасындағы достастық қарым-қатынастар үшін  мәдени байланыстар­дың мәнінің зор екендігін ерекше екшеп айтты.

Жұртшылық назарына ұсынылған бұл көрмеге Қазақстан территориясындағы көшпе­лі өркениетті қалыптастырған сақ, үйсін және қаңлылардың жоғары даму деңгейіне жеткен бай мәдениетін паш ететін 80-нен астам мәдени құндылықтар қойылып, таныстырылды. Олар­дың қатарында «скиф триадасы» деп аталып кеткен аң стилінде жасалған қару-жарақ, ат әбзелдері және сақ шеберлерінің өресі биік зергерлік өнерінің куәлары, Жетісу жерінен табылған ғұрыптық атрибуттар – қазандар, шырағдандар, шамдалдар қойылған. Көрме экспо­зициясының орталық алаңына орналас­тырылған «Алтын Адам»  қытай жұртшылы­ғының, атап айтқанда, тарихшы, археолог, өнертанушы ғалымдардың және қала тұрғын­дары мен қонақтарының ерекше қызығушы­лығын тудырды. Қаңлы мәдениетін, Оңтүстік Қазақстан аумағындағы Арыс өзені аңғарын­дағы қорымдар мен қоныстардан археология­лық қазба жұмысы барысында табылған артефактілерді көрсетті.

Осылайша Елбасының мәдени мұрамызды шет ел аудиториясына таныстыру туралы тапсырмасының алғашқы қадамын Орталық музей сәтті орындады.              Халықаралық музейлер күні қарсаңында жүзеге асырылған аталмыш көрме аясында мәдени құндылықтарды сақтау, қалпына келтіру саласы бойынша тәжірибе алмасу, көрме, археологиялық, антропология­лық ғылыми зерттеулер жүргізу бойынша бірлесіп жұмыстар атқару бойынша уағдалас­тыққа қол жетті.

Көрме 2018 жылдың 15 маусымына дейін жалғасады.

 

Анна КУЩЕНКО,                                                                                                                Үміт ӘШІМОВА,

 ҚР Мемлекеттік орталық музейінің қызметкерлері.

 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *

Оқи отырыңыз!

Close