Телеграмды қазақ тілінде қолдануға болады
Бүгіннен бастап Telegram қосымшасын қазақ тілінде қолдануға болады
Қазақ тілі Telegram тілдерінің тізіміне ресми түрде енгізілді, деп хабарлайды Almaty-akshamy.kz Ақпарат және қоғамдық даму министрлігіне сілтеме жасап.
Бүгін Telegram әлеуметтік желісінің тілдік параметрлеріне мемлекеттік тіл ресми түрде енгізілді.
Қазақ тілін iOS және Android жүйелерінде, сондай-ақ қосымшаның веб-нұсқасында қолдануға болады.
Тілді өзгерту үшін параметрлерге өтіп, «тілді» таңдап, Kazakh тілі батырмасын басу керек
